బాల్కొండ పట్టణంలో ముఖ్యమంత్రి సహాయ నిధి (సీఎంఆర్ఎఫ్) కింద 38 మంది లబ్ధిదారులకు 8,99,500 రూపాయల ఆర్థిక సహాయాన్ని కాంగ్రెస్ పార్టీ నాయకులు పంపిణీ చేశారు. ఈ సందర్భంగా లబ్ధిదారులు ముఖ్యమంత్రి రేవంత్ రెడ్డికి, స్థానిక కాంగ్రెస్ నాయకులకు కృతజ్ఞతలు తెలిపారు.
బాల్కొండ పట్టణ కాంగ్రెస్ శాఖ ఆధ్వర్యంలో, కాంగ్రెస్ పార్టీ ఇంచార్జ్ సునీల్ అన్న గారి సహకారంతో, పట్టణ కాంగ్రెస్ శాఖ అధ్యక్షులు కుందారపు శ్రీనివాస్ గారి ఆధ్వర్యంలో ఈ కార్యక్రమం జరిగింది. సీఎంఆర్ఎఫ్ కింద మంజూరైన 8,99,500 రూపాయల చెక్కులను 38 మంది లబ్ధిదారులకు అందజేశారు. ఈ ఆర్థిక సహాయం తమకు ఎంతో ఉపయోగపడుతుందని లబ్ధిదారులు తెలిపారు. ముఖ్యమంత్రి రేవంత్ రెడ్డికి, బాల్కొండ కాంగ్రెస్ పార్టీ ఇంచార్జ్ ముత్యాల సునీల్ అన్నకు వారు ప్రత్యేకంగా ధన్యవాదాలు తెలియజేశారు. ఈ చెక్కుల పంపిణీ కార్యక్రమంలో కాంగ్రెస్ ముఖ్య నాయకులు, పట్టణ కాంగ్రెస్ నాయకులు, డిసిసి జిల్లా నాయకులు యునుస్, సంజీవ్ , మండల కాంగ్రెస్ కమిటీ నాయకులు గడ్డం రవి, జక్క పద్మారావు, బండి మల్లేష్, పుప్పల విద్యాసాగర్, పుల్లాయి నవీన్, దోనపాల్ సాయన్న, పురుషోత్తం, బాల్కొండ మండల యూత్ వైస్ ప్రెసిడెంట్ విక్కీ, మర్కస్ కమిటీ అధ్యక్షులు సయ్యద్ మజారుద్దీన్, షేక్ వహాబ్, నానం నరేష్, ఆరేపల్లి గంగాధర్, మెట్టు అశోక్, పిప్పర అశోక్, మేక సతీష్ తదితరులు పాల్గొన్నారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
