కడపలో రాజరిక పాలన సాగుతోంది: మాజీ డిప్యూటీ సీఎం అంజాద్ బాషా

గత వారం రోజులుగా వైసీపీ అభ్యర్థులను నామినేషన్లు దాఖలు చేయకుండా టీడీపీ కార్యకర్తలు అడ్డుకున్నారని, వైసీపీ నాయకులు, కార్యకర్తలపై కత్తులతో దాడులకు పాల్పడ్డారని ఆయన ఆరోపించారు. మహిళలను కూడా వదలకుండా దాడులు చేసి వారి తలలు పగలగొట్టారని విమర్శించారు. మహిళలకు ఆత్మరక్షణ లేకుండా పోయిందని ఆయన అన్నారు.

టీడీపీపై తీవ్ర ఆరోపణలు

ప్రజాక్షేత్రంలో ఓడిపోతామనే భయంతోనే టీడీపీ దాడులకు పాల్పడుతోందని, రౌడీలు, గూండాలను అడ్డుపెట్టుకుని టీడీపీ ప్రభుత్వం వ్యవహరిస్తోందని ఆయన తీవ్రంగా మండిపడ్డారు.

ప్రజా సమస్యలపై నిరంతరం పోరాడే వైఎస్సార్సీపీ నాయకులను అధిక మెజారిటీతో గెలిపించాలని ఆయన పిలుపునిచ్చారు. కడప మేయర్ అభ్యర్థి బండి దీప్తికి మద్దతుగా నిలవాలని విజ్ఞప్తి చేశారు.

రానున్న ఎన్నికల్లో ఓటర్లు తమ బాధ్యతను గుర్తించి ఓటు హక్కును వినియోగించుకోవాలని, ప్రజలకు మంచి చేసే వైఎస్సార్సీపీ అభ్యర్థులకు మద్దతు ఇవ్వాలని ఆయన కోరారు.