ఎన్నికల నేపథ్యంలో తిరుపతిలో పోలీసుల ఫ్లాగ్ మార్చ్

ఎన్నికల విధుల్లో అప్రమత్తంగా, బాధ్యతాయుతంగా వ్యవహరించాలని అధికారులు, సిబ్బందికి సూచించారు. ఎన్నికల కమిషన్ మార్గదర్శకాలను కచ్చితంగా పాటించాలని ఆదేశించారు. పోలింగ్ కేంద్రాల వద్ద 100, 200 మీటర్ల నిబంధనలను కచ్చితంగా అమలు చేయాలని, నిబంధనలు ఉల్లంఘించే వారిపై చర్యలు తీసుకోవాలని స్పష్టం చేశారు.

బలగాల వినియోగం

మున్సిపల్, ఎంపీటీసీ, జెడ్పీటీసీ ఎన్నికలు ఒకే విడతలో, పంచాయతీ ఎన్నికలు మూడు విడతల్లో జరగనున్న నేపథ్యంలో బలగాలను సమర్థవంతంగా వినియోగించేలా ప్రణాళిక రూపొందించినట్లు ఎస్పీ పేర్కొన్నారు. ఓటర్లను భయభ్రాంతులకు గురిచేసినా, ప్రలోభాలకు గురిచేసినా ఉపేక్షించేది లేదని హెచ్చరించారు.

భద్రతపై భరోసా

ప్రజలు భయం లేకుండా ఓటు హక్కు వినియోగించుకునేలా భద్రత కల్పిస్తామని భరోసా ఇచ్చారు. అనుమానాస్పద కార్యకలాపాలు గుర్తిస్తే పోలీసులకు సమాచారం ఇవ్వాలని కోరారు. ఈ కార్యక్రమంలో అదనపు ఎస్పీలు శ్రీనివాసులు, రవి మనోహర్ ఆచారి, శ్రీనివాసరావు, డీఎస్పీలు, సీఐలు, ఎస్సైలు పాల్గొన్నారు.