మానవత్వం చాటుకున్న మాచారెడ్డి పోలీసులు: చెరువులోకి దూకేందుకు ప్రయత్నించిన వ్యక్తిని కాపాడారు

సమాచారం అందిన వెంటనే మాచారెడ్డి పోలీస్ స్టేషన్కు చెందిన కానిస్టేబుల్ గంగాధర్, హోంగార్డు రమేష్ సంఘటనా స్థలానికి చేరుకున్నారు. మహేందర్ రెడ్డి సహాయంతో, ఆత్మహత్యాయత్నానికి పాల్పడుతున్న వ్యక్తిని సురక్షితంగా బయటకు తీసుకొచ్చి, ప్రాణాపాయం నుంచి కాపాడారు.

తరువాత, పోలీసులు బాధితుడి కుటుంబ సభ్యులకు సమాచారం అందించారు. అతని కుమారుడిని సంఘటనా స్థలానికి పిలిపించి, బాధితుడికి ధైర్యం చెప్పి కౌన్సెలింగ్ నిర్వహించారు. కుటుంబ సభ్యులకు అవసరమైన సూచనలు చేసి, బాధితుడిని క్షేమంగా వారి వెంట ఇంటికి పంపించారు.

జిల్లా ఎస్పీ సూచనలు

ఈ సందర్భంగా జిల్లా ఎస్పీ మాట్లాడుతూ, కుటుంబ సమస్యలు, వ్యక్తిగత ఇబ్బందులతో మనస్తాపానికి గురైనప్పుడు తొందరపాటు నిర్ణయాలు తీసుకోవద్దని సూచించారు. సమస్యలను ధైర్యంగా ఎదుర్కొంటూ కుటుంబ సభ్యులు, పోలీసుల సహాయం తీసుకోవాలని తెలిపారు. ఆపదలో ఉన్నవారిని గమనిస్తే వెంటనే 112 డయల్కు సమాచారం అందించాలని కోరారు.

సమయస్ఫూర్తితో స్పందించి నిండు ప్రాణాన్ని కాపాడిన కానిస్టేబుల్ గంగాధర్, హోంగార్డు రమేష్తో పాటు, సకాలంలో సమాచారం అందించి సహకరించిన మహేందర్ జిల్లా ఎస్పీ అభినందించారు.