ప్రముఖ పారిశ్రామికవేత్త ముకేశ్ అంబానీ భార్య, రిలయన్స్ ఫౌండేషన్ వ్యవస్థాపకురాలు నీతా అంబానీతో కలిసి బాలీవుడ్ నటుడు రణ్వీర్ సింగ్ గర్బా నృత్యం చేశారు. ముంబైలో న జరిగిన స్వదేశ్ ఈరోస్ వేడుకలో ఈ దృశ్యాలు సామాజిక మాధ్యమాల్లో వైరల్గా మారాయి.
నీతా అంబానీ, ఇషా అంబానీతో పాటు పలువురు అతిథులతో కలిసి రణ్వీర్ సంప్రదాయ గర్బా నృత్యంలో పాల్గొన్నారు. ఈ వేడుకకు రణ్వీర్ సింగ్ ప్రత్యేకమైన సంప్రదాయ దుస్తుల్లో హాజరయ్యారు. పూల ఎంబ్రాయిడరీతో అలంకరించిన గులాబీ రంగు జాకెట్, దానికి సరిపోయే కుర్తా, తెల్లటి ప్యాంటు ధరించారు. డైమండ్ స్టడ్స్, రంగులద్దాలు ఆయన రూపానికి ప్రత్యేక ఆకర్షణగా నిలిచాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
వేడుకలో ఉత్సాహంగా పాల్గొంటూ నీతా అంబానీ, ఇషా అంబానీతో కలిసి గర్బా ఆడిన వీడియోలు నెటిజన్ల దృష్టిని ఆకర్షించాయి. ఈ కార్యక్రమానికి ఆతిథ్యం ఇచ్చిన నీతా అంబానీ మజెంటా రంగు బనారసీ చీరలో కనిపించారు. బంగారు జరీ పూల డిజైన్లు, అందమైన అంచులు, ప్రత్యేకమైన పల్లూ చీరకు మరింత ఆకర్షణను తెచ్చాయి. బంగారు ఎంబ్రాయిడరీతో రూపొందించిన బ్లౌజ్తో ఆమె సంప్రదాయ రూపంలో మెరిశారు.
