ఓటర్ల జాబితాల సవరణ, ఎన్నికల సంఘం పనితీరుపై అభ్యంతరాలను తెలియజేసేందుకు ఇండియా కూటమి నేతలు కోరిన సమావేశానికి భారత ప్రధాన న్యాయమూర్తి జస్టిస్ సూర్యకాంత్ నిరాకరించారు. ఈ అంశాలపై న్యాయస్థానాన్ని ఆశ్రయించాలని సీజేఐ సూచించారు.
ఇండియా కూటమి నేతలు రాహుల్ గాంధీ, మల్లికార్జున ఖర్గే న సాయంత్రం సీజేఐని కలిసేందుకు సమయం కోరారు. ఓటర్ల జాబితాల ప్రత్యేక సమగ్ర సవరణ ప్రక్రియపై తమ అభ్యంతరాలను తెలియజేయాలని, ఎన్నికల ప్రక్రియకు సంబంధించిన అంశాలపై వినతిపత్రం సమర్పించాలని వారు భావించారు. అయితే, సంబంధిత అంశాలపై న్యాయస్థానాన్ని ఆశ్రయించేందుకు చట్టపరమైన మార్గాలు అందుబాటులో ఉన్నాయని సీజేఐ స్పష్టం చేసినట్లు వార్తా కథనాలు వెల్లడించాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
న్యాయపరమైన మార్గాలను సూచించిన సీజేఐ
ఈ అంశాలకు సంబంధించి న్యాయపరమైన ప్రక్రియను అనుసరించడమే సరైన మార్గమని సీజేఐ తన సమాధానంలో పేర్కొన్నట్లు సమాచారం. న్యాయస్థానం ముందు పిటిషన్లు దాఖలు చేసి, చట్ట ప్రకారం పరిష్కారం కోరవచ్చని ఆయన సూచించినట్లు కథనాలు తెలిపాయి. తన వద్దకు ప్రతిపక్ష నేతల లేఖ అందిందని, సమావేశానికి ఎందుకు హాజరు కాలేనో వివరిస్తూ సమాధానం పంపినట్లు జస్టిస్ సూర్యకాంత్ వెల్లడించారు.
