తెలంగాణలో ఉల్లిపాయల ధరలు సామాన్యులకు చుక్కలు చూపిస్తున్నాయి. కిలో ఉల్లి ధర రూ.70కు చేరడంతో వినియోగదారులు తీవ్ర ఆందోళన వ్యక్తం చేస్తున్నారు. గతంలో రూ.20-30 మధ్య లభించిన ఉల్లిపాయలు ఇప్పుడు రెండింతలకు పైగా ధర పలుకుతున్నాయి.
మహారాష్ట్ర, కర్నూలు వంటి ప్రాంతాల నుంచి మార్కెట్లకు ఉల్లి సరఫరా తగ్గడం, వర్షాభావ పరిస్థితులు, పంట దిగుబడి తగ్గడం వంటి కారణాలు ధరల పెరుగుదలకు దోహదం చేస్తున్నాయని వ్యాపారులు తెలిపారు. హైదరాబాద్లోని రైతుబజార్లలో కిలో ఉల్లి రూ.45-50 మధ్య లభిస్తుండగా, బహిరంగ మార్కెట్లలో ధర రూ.60-70 వరకు పలుకుతోంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఈ అధిక ధరల ప్రభావం కేవలం గృహ వినియోగదారులకే పరిమితం కాకుండా, హోటళ్లు, రెస్టారెంట్లు, క్యాటరింగ్ వ్యాపారాలపై కూడా తీవ్రంగా పడుతోంది. వ్యాపార వర్గాల అంచనా ప్రకారం, మార్కెట్లకు ఉల్లి సరఫరా పెరిగితేనే ధరలు అదుపులోకి వచ్చే అవకాశం ఉంది.
