దేశ రాజధాని ఢిల్లీలోని రామ్లీలా మైదాన్లో కాంగ్రెస్ నేతృత్వంలోని ఇండియా కూటమి భారీ బహిరంగ సభను నిర్వహించింది. ప్రధాన ఎన్నికల కమిషనర్ () జ్ఞానేశ్ కుమార్ రాజీనామా చేయాలని డిమాండ్ చేస్తూ ప్రతిపక్ష పార్టీలు ఈ సభను నిర్వహించాయి. ఓటర్ల జాబితా ప్రత్యేక సమగ్ర సవరణ ప్రక్రియలో అక్రమాలు జరుగుతున్నాయని, ఓటర్ల పేర్లను తొలగిస్తున్నారని ప్రతిపక్షాలు ఆరోపించాయి.
ఈ కార్యక్రమానికి కాంగ్రెస్ అగ్రనేత రాహుల్ గాంధీ, మల్లికార్జున ఖర్గే సహా ఇండియా కూటమి నేతలు హాజరయ్యారు. ఇండియా కూటమి చలో ఢిల్లీ పేరుతో భారీ నిరసన కార్యక్రమానికి పిలుపునిచ్చింది. మింటో రోడ్ కనాట్ ప్లేస్ కూడలి నుంచి ర్యాలీ ప్రారంభమైంది. అక్కడి నుంచి రామ్లీలా మైదాన్ వరకు మార్చ్ నిర్వహించారు. ఉదయం 10 గంటల నుంచి సాయంత్రం 5 గంటల వరకు సభ నిర్వహించేందుకు ఏర్పాట్లు చేశారు. 50 వేల మందికి పైగా హాజరవుతారని నిర్వాహకులు అంచనా వేశారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
సీఈసీ రాజీనామాకు డిమాండ్
ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని ఇండియా కూటమి నేతలు డిమాండ్ చేశారు. ప్రతిపక్షాల ప్రధాన ఆరోపణలు: ఓటర్ల జాబితాలో భారీగా పేర్లు తొలగిస్తున్నారని ఆరోపణ. ప్రక్రియలో పారదర్శకత లేదని విమర్శ. అర్హులైన ఓటర్లకు ఓటు హక్కు దూరమయ్యే ప్రమాదం ఉందని ఆందోళన వ్యక్తం చేశారు. ఎన్నికల సంఘం నిష్పక్షపాతంగా వ్యవహరించాలని డిమాండ్ చేశారు. ఓటు చోరీ ఆరోపణలపై సమగ్ర విచారణ జరపాలని కోరారు.
