ఆంధ్రప్రదేశ్లో పట్టణ స్థానిక సంస్థల ఎన్నికల ఓట్ల లెక్కింపు కొనసాగుతోంది. రాష్ట్రవ్యాప్తంగా 92 పట్టణ స్థానిక సంస్థల్లో ఫలితాలపై ఉత్కంఠ నెలకొంది. ఇందులో 13 మున్సిపల్ కార్పొరేషన్లు, 79 మున్సిపాలిటీలు, నగర పంచాయతీలు ఉన్నాయి. మంగళవారం ఉదయం కట్టుదిట్టమైన భద్రత మధ్య కౌంటింగ్ ప్రారంభమైంది.
తొలినుంచి వెలువడుతున్న సరళిలో అధికార కూటమి ఆధిక్యం కనబరుస్తోంది. మధ్యాహ్నం 12.30 గంటల నాటికి అందిన సమాచారం ప్రకారం, 13 కార్పొరేషన్లలో ఎనిమిది చోట్ల కూటమి ఆధిక్యంలో ఉండగా, 53 మున్సిపాలిటీల్లో 47 చోట్ల ముందంజలో ఉన్నాయని క్షేత్రస్థాయి నివేదికలు వెల్లడించాయి. వైఎస్సార్సీపీ ఐదు మున్సిపాలిటీల్లో ఆధిక్యంలో ఉన్నట్లు సమాచారం. ఇవి తుది ఫలితాలు కావు, అధికారిక ప్రకటనలతో లెక్కలు మారే అవకాశం ఉంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
92 పట్టణ స్థానిక సంస్థల్లో కౌంటింగ్
రాష్ట్రవ్యాప్తంగా 138 కేంద్రాల్లో ఓట్ల లెక్కింపు చేపట్టారు. ఇందుకోసం 556 కౌంటింగ్ హాళ్లు, 6,831 టేబుళ్లు ఏర్పాటు చేశారు. కౌంటింగ్ ప్రక్రియను పర్యవేక్షించేందుకు సిబ్బందిని నియమించారు. కేంద్రాల వద్ద పోలీసు బందోబస్తుతో పాటు స్ట్రాంగ్ రూమ్ల వద్ద భద్రతను కట్టుదిట్టం చేశారు.
