మదనపల్లె, పుంగనూరు మున్సిపల్ ఎన్నికలకు పటిష్ట బందోబస్తు: ఎస్పీ ధీరజ్ కునుబిల్లి

పోలింగ్ కేంద్రాల్లోకి మొబైల్ ఫోన్లు, పెన్నులు, ఇతర నిషేధిత వస్తువులను అనుమతించబోమని ఎస్పీ స్పష్టం చేశారు. పోలింగ్ కేంద్రాలకు 100 మీటర్ల పరిధిలో ప్రజలు గుమిగూడకుండా పటిష్ట బందోబస్తు నిర్వహించాలని ఆదేశించారు. ఎటువంటి అవాంఛనీయ సంఘటనలు జరగకుండా ముందస్తు జాగ్రత్తలు తీసుకోవాలని సూచించారు.

ఓటర్ల సౌకర్యార్థం ప్రత్యేక ఏర్పాట్లు

వృద్ధులు, మహిళలు, దివ్యాంగుల కోసం ప్రత్యేక క్యూలైన్లను ఏర్పాటు చేయాలని అధికారులను ఆదేశించారు. ఓటర్లతో పోలీసు సిబ్బంది మర్యాదపూర్వకంగా , వారిని గౌరవించాలని సూచించారు. ఎన్నికల ప్రక్రియలో పారదర్శకత పాటించాలని తెలిపారు.

నిబంధనల ఉల్లంఘనపై కఠిన చర్యలు

ఎన్నికల నియమావళిని ఖచ్చితంగా పాటించాలని, నిబంధనలు ఉల్లంఘించిన వారిపై కఠిన చర్యలు తప్పవని ఎస్పీ హెచ్చరించారు. ఎన్నికల ప్రశాంత వాతావరణాన్ని కాపాడటంలో ప్రతి ఒక్కరూ బాధ్యతాయుతంగా కోరారు.

ఈ సమావేశంలో అదనపు ఎస్పీ ఎం. వెంకటాద్రి, డీఎస్పీలు బి. ప్రసాద్, ఎం.ఆర్. కృష్ణమోహన్, డి. ఏడుకొండల రెడ్డితో పాటు పలువురు అధికారులు, సిబ్బంది పాల్గొన్నారు.