శాంతిభద్రతల పరిరక్షణలో భాగంగా జిల్లా వ్యాప్తంగా వరకు పోలీస్ చట్టం 30 అమలులో ఉంటుందని జిల్లా ఎస్పీ అఖిల్ మహాజన్ తెలిపారు. ఈ నిబంధనల ప్రకారం, ఎలాంటి ప్రజా సమావేశాలు, ర్యాలీలు, ఊరేగింపులు నిర్వహించాలన్నా పోలీసుల నుంచి ముందస్తు లిఖితపూర్వక అనుమతి తప్పనిసరి అని స్పష్టం చేశారు.
జిల్లా పోలీసు శాఖ విడుదల చేసిన ప్రకటన ప్రకారం, డీఎస్పీ లేదా అంతకంటే పైస్థాయి పోలీసు అధికారి నుంచి అనుమతి పొందకుండా ఎలాంటి సామూహిక కార్యక్రమాలు చేపట్టడానికి వీలులేదని పేర్కొన్నారు. ప్రజా కార్యక్రమాలను నిర్వహించాలనుకునే వారు ముందుగానే పోలీసులకు దరఖాస్తు చేసుకుని, అవసరమైన అనుమతులు పొందాలని ఎస్పీ సూచించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
శాంతిభద్రతలకు విఘాతం కలిగించే విధంగా కత్తులు, కర్రలు, తుపాకులు, పేలుడు పదార్థాలు వంటి నిషేధిత ఆయుధాలను తీసుకెళ్లడం, ప్రదర్శించడం లేదా ఉపయోగించడంపై కూడా కఠిన ఆంక్షలు విధించారు. నేరాలను ప్రేరేపించే లేదా హింసకు దారితీసే వస్తువుల విషయంలోనూ పోలీసులు కఠినంగా వ్యవహరిస్తామని హెచ్చరించారు.
