కర్ణాటకలోని మంగళూరులో ఉన్న మంగళూరు రిఫైనరీ అండ్ పెట్రోకెమికల్స్ లిమిటెడ్ ()లో బుధవారం భారీ పేలుడు, అగ్ని ప్రమాదం సంభవించింది. ఈ దుర్ఘటనలో ఒక కాంట్రాక్ట్ కార్మికుడు మృతి చెందగా, మరో ఎనిమిది మంది గాయపడ్డారు. మృతుడిని మణీష్ కర్కేరా (30)గా గుర్తించారు.
మధ్యాహ్నం సమయంలో రిఫైనరీలోని కోకర్ హైడ్రోట్రీటర్ యూనిట్లో అధిక పీడనంతో పనిచేస్తున్న కోల్డ్ సెపరేటర్ అకస్మాత్తుగా పగిలిపోవడంతో పేలుడు సంభవించిందని అధికారులు తెలిపారు. అనంతరం భారీగా మంటలు చెలరేగి, దట్టమైన నల్లటి పొగ వ్యాపించింది. అత్యవసర స్పందన, అగ్నిమాపక బృందాలు వెంటనే రంగంలోకి దిగి మంటలను అదుపులోకి తెచ్చాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పేలుడు ధాటికి సమీప ప్రాంతాల్లోని ఇళ్ల కిటికీలు, తలుపులు దెబ్బతిన్నాయని స్థానికులు తెలిపారు. మంగళూరు అంతర్జాతీయ విమానాశ్రయం పరిసరాల్లోనూ పేలుడు శబ్దం వినిపించిందని అధికారులు పేర్కొన్నారు. ముందస్తు జాగ్రత్తగా విమానాశ్రయంలోని కీలక మౌలిక సదుపాయాలను తనిఖీ చేశారు.
