పాకిస్థాన్కు చెందిన గూఢచార సంస్థలకు భారత రక్షణ రంగానికి సంబంధించిన సున్నితమైన సమాచారాన్ని చేరవేశారన్న ఆరోపణలపై ఆంధ్రప్రదేశ్ కౌంటర్ ఇంటెలిజెన్స్ అధికారులు ఇద్దరిని అరెస్ట్ చేశారు. ఈ కేసులో మొత్తం 18 మంది అనుమానితులు దర్యాప్తు పరిధిలో ఉండగా, వారిలో 13 మంది నేవీ సిబ్బంది ఉన్నట్లు అధికారులు తెలిపారు. ఆపరేషన్ ఫైర్వాల్2026 పేరుతో దర్యాప్తు కొనసాగుతోంది.
అరెస్టైన వారిలో విశాఖపట్నంలో నేవీ అధికారులకు కాంట్రాక్ట్ డ్రైవర్గా పనిచేస్తున్న అన్నం సాయి వరప్రసాద్, విశాఖ నేవల్ బేస్కు చెందిన నేవీ ఉద్యోగి ప్రదీప్ ముఖర్జీ ఉన్నారు. రక్షణ సంస్థలు, వ్యూహాత్మక ప్రాంతాలు, నౌకాదళానికి సంబంధించిన సున్నితమైన సమాచారాన్ని పాకిస్థాన్కు చెందిన గూఢచార సంస్థలతో పంచుకున్నారన్న ఆరోపణలపై వీరిపై చర్యలు తీసుకున్నట్లు కౌంటర్ ఇంటెలిజెన్స్ అధికారులు వెల్లడించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఈ కేసును ఆంధ్రప్రదేశ్ కౌంటర్ ఇంటెలిజెన్స్ సెల్ నమోదు చేసింది. జాతీయ భద్రతకు సంబంధించిన అంశాలు ఉండటంతో, చట్టవిరుద్ధ కార్యకలాపాల నిరోధక చట్టం, అధికారిక రహస్యాల చట్టం, భారతీయ న్యాయ సంహితలోని పలు సెక్షన్ల కింద కేసు నమోదు చేసినట్లు అధికారులు తెలిపారు.
