దేశవ్యాప్తంగా డ్రైవింగ్ లైసెన్స్దారులు తమ మొబైల్ నంబర్ వివరాలను సారథి వ్యవస్థలో తాజాగా ఉంచుకోవాలని కేంద్ర రోడ్డు రవాణా, రహదారుల మంత్రిత్వ శాఖ సూచించింది. వాహన్, సారథి డేటాబేస్లలో మొబైల్ నంబర్లు సరిగా లేకపోవడం వల్ల ముఖ్యమైన సేవా సమాచారం, నోటీసులు సకాలంలో చేరడం లేదని మంత్రిత్వ శాఖ పేర్కొంది.
మొబైల్ నంబర్ను అప్డేట్ చేయడం ద్వారా ఈ-చలాన్లు, లైసెన్స్కు సంబంధించిన సేవా సమాచారం, పునరుద్ధరణ సూచనలు, ఇతర రవాణా శాఖ నోటిఫికేషన్లు సమయానికి అందే అవకాశం ఉంటుంది. పాత మొబైల్ నంబర్ పనిచేయకపోతే లేదా లైసెన్స్ రికార్డులో నంబర్ నమోదు కాకపోతే ముఖ్యమైన సమాచారాన్ని కోల్పోయే అవకాశం ఉంది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
మొబైల్ నంబర్ అప్డేట్ కోసం ఆర్టీఓ కార్యాలయానికి వెళ్లాల్సిన అవసరం లేకుండా ఆన్లైన్ సదుపాయం అందుబాటులో ఉంది. అధికారిక సారథి పోర్టల్లో సంబంధిత రాష్ట్రాన్ని ఎంచుకుని మొబైల్ నంబర్ అప్డేట్ అనే ఎంపిక ద్వారా ప్రక్రియను ప్రారంభించవచ్చు. పారివాహన్ అధికారిక ప్రశ్నలు-జవాబుల విభాగంలో కూడా ఇదే విధానాన్ని సూచించారు.
