భారత జాతీయ స్టాక్ ఎక్స్ఛేంజ్ (ఎన్ఎస్ఈ)కు కార్పొరేట్ బాండ్ ఇండెక్స్పై ఫ్యూచర్స్ కాంట్రాక్టులను ప్రవేశపెట్టేందుకు మార్కెట్ నియంత్రణ సంస్థ సెబీ నుంచి నో-అబ్జెక్షన్ సర్టిఫికెట్ (ఎన్ఓసీ) లభించింది. అయితే ఈ కొత్త ఉత్పత్తిని ప్రారంభించడానికి అవసరమైన రిజర్వ్ బ్యాంక్ ఆఫ్ ఇండియా (ఆర్బీఐ) అనుమతి ఇంకా పొందాల్సి ఉంది.
ఈ కాంట్రాక్టుల ద్వారా కార్పొరేట్ బాండ్లలో పెట్టుబడులు పెట్టే మార్కెట్ భాగస్వాములకు తమ పెట్టుబడులపై వచ్చే మార్కెట్ రిస్క్ను నిర్వహించేందుకు ప్రత్యేక సాధనం అందుబాటులోకి రానుంది. ముఖ్యంగా కార్పొరేట్ బాండ్ పోర్ట్ఫోలియోలకు రిస్క్ మేనేజ్మెంట్, హెడ్జింగ్, ధరల నిర్ణయం వంటి అంశాల్లో ఈ ఫ్యూచర్స్ ఉపయోగపడే అవకాశం ఉంది. మార్కెట్ మేకింగ్ కార్యకలాపాలకు కూడా ఇది తోడ్పడుతుందని ఎన్ఎస్ఈ తెలిపింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
భారత్లో కార్పొరేట్ బాండ్ మార్కెట్ ఇటీవలి కాలంలో విస్తరిస్తున్నప్పటికీ, సెకండరీ మార్కెట్లో లిక్విడిటీ ఇంకా పరిమితంగానే ఉందని మార్కెట్ వర్గాలు పేర్కొంటున్నాయి. ఇలాంటి పరిస్థితుల్లో బాండ్ ఇండెక్స్ ఆధారిత డెరివేటివ్ ఉత్పత్తులు అందుబాటులోకి రావడం ద్వారా పెట్టుబడిదారులకు రిస్క్ బదిలీ చేసుకునే అవకాశాలు పెరగవచ్చు.
