నటుడు, రాజకీయ నాయకుడు కమల్ హాసన్ రాజ్యసభలో తన తొలి ప్రసంగంలో ఎన్నికల కమిషన్ విధానాలు, ప్రజాస్వామ్యంపై మాట్లాడగా, టీవీ5 సాంబశివరావు ఆయన ప్రసంగాన్ని తప్పుగా అన్వయించి, మాజీ సీఎం జగన్ మోహన్ రెడ్డిపై వివాదాస్పద వ్యాఖ్యలు చేశారు. దీనిపై నెటిజన్ల నుంచి తీవ్ర విమర్శలు వస్తున్నాయి.
నటుడు, రాజకీయ నాయకుడు కమల్ హాసన్ ఫిబ్రవరి 2026లో రాజ్యసభలో తన తొలి ప్రసంగం చేశారు. ఈ ప్రసంగంలో ఆయన ఎన్నికల కమిషన్ (ECI) తీసుకొచ్చిన SIR (Special Intensive Revision) విధానంపై మరియు ప్రజాస్వామ్యంపై తన అభిప్రాయాలను వ్యక్తం చేశారు. తన ప్రసంగం ప్రారంభంలో, కమల్ హాసన్ "నేను ఈ గౌరవ సభలో నా మొదటి ప్రసంగాన్ని చేస్తున్నాను. ప్రజాస్వామ్యంలో ఏ ప్రభుత్వం శాశ్వతం కాదు. అధికారం ఎవరికీ శాశ్వతంగా ఉండదు" అని పేర్కొన్నారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
అనంతరం, తెలుగు కవి శ్రీశ్రీ రాసిన 'మహాప్రస్థానం'లోని "వస్తున్నాయి.. వస్తున్నాయి.. జగన్నాథ రథచక్రాలొస్తున్నాయి.. వస్తున్నాయి..!" అనే పంక్తులను ఉటంకించారు. ఈ పంక్తులను వివరిస్తూ, తాను మాట్లాడుతున్నది ఏ వ్యక్తికో, ప్రభుత్వానికో వ్యతిరేకం కాదని, అది ప్రజాస్వామ్య రథమని, మార్గానికి ఎవరైనా అడ్డు వస్తే ఈ రథం ఎవరినీ వదలదని తెలిపారు. తమిళనాడులో ఓటర్ల జాబితా సవరణ ప్రక్రియలో భాగంగా సుమారు కోటి మంది ఓటర్ల పేర్లు తొలగించబడే ప్రమాదం ఉందని, జీవించి ఉన్నవారిని కూడా చనిపోయినట్లుగా చూపిస్తున్నారని కమల్ హాసన్ ఎన్నికల కమిషన్పై విమర్శలు చేశారు.
