భారీ వర్షాల నేపథ్యంలో ప్రజలు అప్రమత్తంగా ఉండాలని నిర్మల్ జిల్లా కలెక్టర్ కే. వరుణ్రెడ్డి సూచించారు. భారత వాతావరణ శాఖ హైదరాబాద్ కేంద్రం జిల్లాకు రెడ్ అలర్ట్ జారీ చేసిన నేపథ్యంలో, అధికారులు ముందస్తు జాగ్రత్తలు తీసుకోవాలని ఆదేశించారు.
జిల్లాలో వరదలు సంభవించే ప్రాంతాలను అధికారులు నిరంతరం పర్యవేక్షించాలని కలెక్టర్ సూచించారు. ముఖ్యంగా వాగులు, చెరువులు, నీటి వనరుల పరిస్థితిపై నీటిపారుదల శాఖ అధికారులు పూర్తి అవగాహన కలిగి ఉండాలని చెప్పారు. వాగులు, నదులు పొంగిపొర్లుతున్న సమయంలో వాహనాల రాకపోకలను అనుమతించవద్దని స్పష్టం చేశారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
లోతట్టు ప్రాంతాల్లో నివసించే ప్రజలు సురక్షిత ప్రాంతాలకు తరలివెళ్లాలని కలెక్టర్ సూచించారు. అత్యవసర పరిస్థితి ఉంటే తప్ప ప్రజలు బయటకు రావద్దని, వర్షాల సమయంలో చేపల వేటకు వెళ్లకూడదని హెచ్చరించారు. వరదల కారణంగా ఎలాంటి ప్రాణ, ఆస్తి నష్టం జరగకుండా అధికారులు అప్రమత్తంగా ఉండాలని ఆదేశించారు.
