భార్య, బంధువుల నుంచి అందుకున్న రూ.85.30 లక్షల నగదు బహుమతులను బ్యాంకు ఖాతాలో జమ చేసిన వ్యక్తికి ఆదాయపు పన్ను శాఖ నోటీసులు జారీ చేసిన కేసులో చెన్నై ఆదాయపు పన్ను అప్పీలేట్ ట్రైబ్యునల్ (ఐటీఏటీ) కీలక తీర్పు ఇచ్చింది. బహుమతులు నిజమైనవేనని నిరూపించేందుకు గిఫ్ట్ డీడ్లు, ఆదాయపు పన్ను రిటర్నులు, ఆర్థిక వివరాలు సమర్పించడంతో పన్ను చెల్లింపుదారుడికి ఊరట కల్పించింది.
చెన్నైకి చెందిన సెల్వరాజ్ అమృతరాజ్కు 2016-17 ఆర్థిక సంవత్సరంలో భార్య, తండ్రి తరఫు మేనమామలు, తల్లి తరఫు మేనమామ, సోదరి భర్త నుంచి మొత్తం రూ.85.30 లక్షల నగదు బహుమతులు అందినట్లు ఆయన పేర్కొన్నారు. ఇందులో భార్య నుంచి రూ.29 లక్షలు, సోదరి భర్త నుంచి రూ.29 లక్షలు, ఇతర బంధువుల నుంచి మిగిలిన మొత్తాన్ని అందుకున్నట్లు వివరించారు. ఈ మొత్తాలకు సంబంధించి గిఫ్ట్ డీడ్లు తయారు చేసి, నగదును బ్యాంకు ఖాతాలో జమ చేశారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పెద్ద మొత్తంలో నగదు లావాదేవీ జరగడంతో బ్యాంకు దానిని ఆదాయపు పన్ను శాఖకు నివేదించింది. దీంతో అధికారులు నగదు మూలంపై విచారణ చేపట్టారు. బహుమతులు ఇచ్చిన బంధువులకు కూడా నోటీసులు జారీ చేశారు. వారు తమకు తెలిసిన మేరకు నగదు బహుమతులు ఇచ్చినట్లు ధ్రువీకరించారు. ఈ సందర్భంగా పన్ను చెల్లింపుదారుడు గిఫ్ట్ డీడ్లతో పాటు బంధువుల ఆదాయపు పన్ను రిటర్నుల అంగీకార పత్రాలు, ఆదాయ వివరాలు, ఆర్థిక నివేదికలను సమర్పించారు.
