కర్ణాటకలోని శివమొగ్గ దసరా ఉత్సవాల ప్రారంభ కార్యక్రమంలో వందేమాతరం గీతం ఆలాపన వివాదాస్పదమైంది. రాష్ట్ర ప్రభుత్వం జారీ చేసిన మార్గదర్శకాల ప్రకారం జాతీయ గీతాన్ని మొదటి రెండు చరణాలకే పరిమితం చేయాల్సి ఉండగా, పూర్తి గీతాన్ని ఆలపించడంతో కాంగ్రెస్ నాయకులు అభ్యంతరం వ్యక్తం చేశారు. అనంతరం వారు కార్యక్రమం నుంచి బయటకు వెళ్లిపోయారు.
ఈ ఘటనతో రాష్ట్రంలో ఇప్పటికే కొనసాగుతున్న వందేమాతరం వివాదం మరోసారి చర్చనీయాంశమైంది. శివమొగ్గలో ఆదివారం జరిగిన దసరా ఉత్సవాల ప్రారంభ కార్యక్రమంలో గాయకులు వందేమాతరం పూర్తి గీతాన్ని ఆలపించినట్లు వార్తా కథనాలు వెల్లడించాయి. అయితే కర్ణాటక ప్రభుత్వం న జారీ చేసిన ఆదేశాల ప్రకారం, రాష్ట్ర ప్రభుత్వ కార్యక్రమాలు, అధికారిక వేడుకల్లో జాతీయ గీతంలోని మొదటి రెండు చరణాలనే ఆలపించాలి లేదా వినిపించాలి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ప్రభుత్వ ఆదేశాలపై కాంగ్రెస్ అభ్యంతరం
ఈ జిల్లా కాంగ్రెస్ కమిటీ అధ్యక్షుడు హెచ్.సి. యోగేశ్ అభ్యంతరం తెలిపారు. ఇది ప్రభుత్వ పరిధిలో జరిగే కార్యక్రమం కావడంతో ప్రభుత్వ మార్గదర్శకాలను పాటించాల్సిందని పేర్కొంటూ, నిర్వాహకుల తీరుపై అసంతృప్తి వ్యక్తం చేశారు. వందేమాతరం పూర్తి గీతాన్ని ఆలపించడంపై అభ్యంతరం తెలిపిన యోగేశ్ కార్యక్రమానికి శుభాకాంక్షలు తెలియజేసి అక్కడి నుంచి వెళ్లిపోయారు. కర్ణాటక రాష్ట్ర వస్త్ర మౌలిక సదుపాయాల అభివృద్ధి సంస్థ ఛైర్మన్ కె. చేతన్తో పాటు మరికొందరు కాంగ్రెస్ నాయకులు కూడా వేదికను విడిచిపెట్టినట్లు సమాచారం.
