భారత పారిశ్రామిక దిగ్గజం టాటా గ్రూప్లో అంతర్గత విభేదాలు మరోసారి బయటపడ్డాయి. టాటా సన్స్ బోర్డు ఇటీవల తీసుకున్న కీలక నిర్ణయాలపై టాటా ట్రస్ట్స్ చైర్మన్ నోయెల్ టాటా అభ్యంతరం వ్యక్తం చేశారు. ప్రస్తుత ఎగ్జిక్యూటివ్ చైర్మన్ ఎన్. చంద్రశేఖరన్ను మరో ఐదేళ్ల కాలానికి కొనసాగించడం, టాటా సన్స్ను స్టాక్ మార్కెట్లో లిస్ట్ చేయడం వంటి అంశాలపై ఈ భిన్నాభిప్రాయాలు వ్యక్తమయ్యాయి.
భారత పారిశ్రామిక రంగంలో అత్యంత ప్రతిష్ఠాత్మకమైన టాటా గ్రూప్లో అంతర్గత విభేదాలు మరోసారి బహిర్గతమయ్యాయి. టాటా సన్స్ బోర్డు ఇటీవల తీసుకున్న కీలక నిర్ణయాలు.. టాటా ట్రస్ట్స్ చైర్మన్ నోయెల్ టాటా, సంస్థ బోర్డు మధ్య భిన్నాభిప్రాయాలను స్పష్టంగా బయటపెట్టాయి. ఈ పరిణామాలను టాటా గ్రూప్పై భవిష్యత్తులో యాజమాన్య మార్పు లేదా బాహ్య ప్రభావం ఏర్పడే అవకాశాలతో ముడిపెడుతూ విశ్లేషణలు వెలువడుతున్నాయి.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
బోర్డు సమావేశంలో ఏం జరిగింది
ఇటీవల జరిగిన టాటా సన్స్ బోర్డు సమావేశంలో ప్రస్తుత ఎగ్జిక్యూటివ్ చైర్మన్ ఎన్. చంద్రశేఖరన్ను మరో ఐదేళ్ల కాలానికి కొనసాగించాలని మెజారిటీ సభ్యులు నిర్ణయించారు. అయితే టాటా ట్రస్ట్స్ చైర్మన్ నోయెల్ టాటా ఈ నిర్ణయాన్ని వ్యతిరేకించారు. చంద్రశేఖరన్ తొలుత 2025లో తన పదవి నుంచి తప్పుకోవాలనే నిర్ణయం తీసుకున్నప్పటికీ, బోర్డు కోరడంతో ఆ నిర్ణయాన్ని పునఃపరిశీలించారు. అనంతరం బోర్డు మెజారిటీ ఓటుతో ఆయనను మరో ఐదేళ్లకు తిరిగి నియమించింది. నోయెల్ టాటా మాత్రమే ఈ పునర్నియామకానికి వ్యతిరేకంగా ఓటు వేశారు. చంద్రశేఖరన్ స్వయంగా ఓటింగ్లో పాల్గొనలేదు.
