టైటాన్ కంపెనీ షేర్లు బుధవారం స్టాక్ మార్కెట్లో ఒత్తిడికి గురయ్యాయి. 202627 ఆర్థిక సంవత్సరం రెండో త్రైమాసిక వ్యాపార అప్డేట్లో కంపెనీ వినియోగ వ్యాపారాలు 25 శాతం వృద్ధిని నమోదు చేసినప్పటికీ, షేరు ధర దాదాపు 4 శాతం పడిపోయింది. ఆభరణాల విభాగం వృద్ధి అంచనాల కంటే తక్కువగా ఉండటం, అధిక బంగారం ధరలు, గత ఏడాది నమోదైన బలమైన వృద్ధి ప్రభావం వంటి అంశాలు మదుపుదారులపై ప్రభావం చూపినట్లు మార్కెట్ విశ్లేషణలు సూచిస్తున్నాయి.
బుధవారం ఉదయం టైటాన్ షేరు బీఎస్ఈలో సుమారు రూ.4,370 స్థాయికి పడిపోయింది. అంతకుముందు రోజు ముగింపు ధర రూ.4,550గా ఉంది. సెప్టెంబర్ త్రైమాసికంలో కంపెనీ మొత్తం వినియోగ వ్యాపారాలు 25 శాతం పెరిగాయి. దేశీయ వ్యాపారం 22 శాతం వృద్ధి చెందగా, అంతర్జాతీయ వ్యాపారం ఏకంగా 97 శాతం పెరిగింది. ఈ త్రైమాసికంలో 78 కొత్త దుకాణాలను నెట్గా జోడించడంతో సెప్టెంబర్ చివరి నాటికి మొత్తం వినియోగ వ్యాపార దుకాణాల సంఖ్య 3,758కి చేరింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఆభరణాల వ్యాపారం 21 శాతం వృద్ధి
టైటాన్కు కీలకమైన ఆభరణాల వ్యాపారం రెండో త్రైమాసికంలో సుమారు 21 శాతం వృద్ధి చెందింది. అయితే ప్రముఖ బ్రోకరేజీ సంస్థ నోమురా దాదాపు 25 శాతం వృద్ధిని అంచనా వేసింది. దీంతో వాస్తవ ఫలితాలు అంచనాలను అందుకోకపోవడం షేరు ధరపై ప్రతికూల ప్రభావం చూపింది. టానిష్క్, మియా, జోయా, బీయాన్ బ్రాండ్లు కలిపి 20 శాతం వృద్ధి నమోదు చేయగా, క్యారట్లేన్ 32 శాతం వృద్ధిని సాధించింది. ఆభరణాల విభాగంలో 42 కొత్త దుకాణాలు చేరడంతో మొత్తం దుకాణాల సంఖ్య 1,269కి పెరిగింది.
