ఇందిరమ్మ ఇళ్లలో దీపావళి సంబరాలు: లబ్ధిదారులతో వేడుకల్లో పాల్గొన్న షబ్బీర్ అలీ

గార్గుల్ గ్రామంలో సంబరాలు

గార్గుల్ గ్రామంలో ఇందిరమ్మ ఇళ్ల లబ్ధిదారుల కుటుంబాల్లో దీపావళి సంబరాలు అంబరాన్నంటాయి. నూతనంగా నిర్మించుకున్న ఇందిరమ్మ ఇళ్లలో గడ్డం గౌతమి, కాసార్ల లయ, బొంబోతుల భారత్గౌడ్ కుటుంబ సభ్యులతో కలిసి రాష్ట్ర ప్రభుత్వ సలహాదారు షబ్బీర్ అలీ దీపావళి వేడుకల్లో పాల్గొన్నారు. ఎన్నో ఏళ్లుగా సొంతింటి కల కోసం ఎదురుచూస్తున్న పేద కుటుంబాలకు ముఖ్యమంత్రి రేవంత్రెడ్డి నాయకత్వంలోని ప్రజాపాలన ప్రభుత్వంలో ఇందిరమ్మ ఇళ్లు మంజూరు కావడం సంతోషకరమన్నారు. ఈ సందర్భంగా లబ్ధిదారుల దంపతులకు స్వీట్లు తినిపించి దీపావళి శుభాకాంక్షలు తెలిపారు.

ప్రభుత్వ లక్ష్యం సొంతింటి కల సాకారం

ఈ సందర్భంగా షబ్బీర్ అలీ మాట్లాడుతూ.. ముఖ్యమంత్రి రేవంత్ రెడ్డి నాయకత్వంలోని ప్రజాపాలన ప్రభుత్వంలో నిరుపేదల సొంతింటి కల నెరవేరుతోందన్నారు. నూతన గృహాల్లో పండుగ వెలుగులు నిండటం ఎంతో సంతోషంగా ఉందని, అర్హులైన ప్రతి పేద కుటుంబానికి సొంతింటి కల సాకారం చేయడమే ప్రభుత్వ లక్ష్యమని పేర్కొన్నారు.

ఈ కార్యక్రమంలో స్థానిక ప్రజాప్రతినిధులు, ప్రభుత్వ అధికారులు, కాంగ్రెస్ పార్టీ నాయకులు, కార్యకర్తలు, గ్రామస్తులు పెద్ద సంఖ్యలో పాల్గొన్నారు.