ఆర్టీసీ కండక్టర్ను నెట్టివేసిన మహిళ అరెస్ట్.. కాళ్లకు తీవ్ర గాయాలు

పోలీసులు వెల్లడించిన వివరాల ప్రకారం.. బస్సులో టికెట్ తీసుకునే విషయంలో మహిళా ప్రయాణికురాలికి, కండక్టర్కు మధ్య వివాదం తలెత్తింది. ఈ క్రమంలో మహిళా ప్రయాణికురాలు కండక్టర్ను బస్సులో నుంచి నెట్టివేయడంతో ఆయన రోడ్డుపై పడిపోయారు. అదే సమయంలో బస్సు ఆయనపై నుంచి వెళ్లడంతో కాళ్లకు తీవ్ర రక్తగాయాలయ్యాయి.

ఈ ఘటనపై బస్సు డ్రైవర్ ఇచ్చిన ఫిర్యాదు మేరకు పోలీసులు కేసు నమోదు చేశారు. దర్యాప్తులో భాగంగా నిందితురాలు బానోత్ మౌనికను అరెస్టు చేసి మణుగూరు కోర్టులో హాజరుపరిచినట్లు పోలీసులు తెలిపారు.

ఆర్టీసీ ఉద్యోగుల భద్రతపై ఆందోళన

ప్రజలకు రవాణా సేవలు అందించే ఆర్టీసీ ఉద్యోగులు విధి నిర్వహణలో ఇలాంటి సంఘటనలకు గురికావడం ఆందోళన కలిగిస్తోంది. టికెట్ చార్జీలు, రాయితీలు లేదా ప్రయాణ నిబంధనల విషయంలో ఏవైనా వివాదాలు తలెత్తితే వాటిని చట్టబద్ధంగా పరిష్కరించుకోవాలి. సిబ్బందిపై దాడులకు పాల్పడటం సమస్యకు పరిష్కారం కాదని స్పష్టం చేయబడింది.

బస్సుల కొరత.. ప్రయాణికుల ఇబ్బందులపై దృష్టి సారించాలి

ఈ ఘటన నేపథ్యంలో ఆర్టీసీ సేవలపై కూడా ప్రస్తుతం చర్చ జరుగుతోంది. గ్రామీణ ప్రాంతాల్లో బస్సుల కొరత, సమయపాలన లోపాలు, రద్దీ సమయాల్లో బస్సులు కిక్కిరిసిపోవడం వంటి సమస్యలను పరిష్కరించాల్సిన అవసరం ఉంది. పరిమితికి మించి ప్రయాణికులను ఎక్కించకుండా చర్యలు తీసుకోవడంతో పాటు, ప్రయాణికులు సురక్షితంగా గమ్యస్థానాలకు చేరుకునేలా అధికారులు పర్యవేక్షణ పెంచాలని కోరారు.

పండుగలు, ప్రత్యేక సందర్భాల్లో ప్రయాణికుల రద్దీకి అనుగుణంగా అదనపు బస్సులు ఏర్పాటు చేయాలి. ప్రత్యేక సర్వీసుల చార్జీల వివరాలను పారదర్శకంగా ప్రకటించాలని కోరారు. మహిళలకు ఉచిత ప్రయాణ సౌకర్యంతో పాటు పురుషులతో సహా ప్రతి ప్రయాణికుడికి తగిన రవాణా సౌకర్యం కల్పించాలని కోరారు.

గ్రామీణ ప్రాంతాల్లో బస్సు సర్వీసులను పెంచడం, బస్సులు సమయానికి నడిచేలా చూడడం, రద్దీని నియంత్రించడం, ఆర్టీసీ ఉద్యోగులకు భద్రత కల్పించడం వంటి అంశాలపై ప్రభుత్వం, ఆర్టీసీ యాజమాన్యం ప్రత్యేక దృష్టి సారించాలని కోరారు.

మిట్టగూడెం ఘటనలో పోలీసుల చర్యలు చట్ట ప్రకారం కొనసాగుతున్న నేపథ్యంలో, గాయపడిన కండక్టర్కు మెరుగైన వైద్యం అందించడంతో పాటు ఇలాంటి ఘటనలు పునరావృతం కాకుండా తగిన చర్యలు తీసుకోవాలని ప్రజలు కోరుతున్నారు. ప్రజల అభిప్రాయం.

ప్రయాణికుల భద్రతతో పాటు ఆర్టీసీ ఉద్యోగుల రక్షణ కూడా అంతే ముఖ్యమని నొక్కి చెప్పారు. ప్రజా రవాణా వ్యవస్థలో క్రమశిక్షణ, భద్రత, మెరుగైన సేవలు అందించేందుకు సంబంధిత అధికారులు సమన్వయంతో చర్యలు తీసుకోవాలని సూచించారు.