దీపావళి వేడుకల సమయంలో వరుస అగ్నిప్రమాదాలు చోటుచేసుకోవడంతో ముంబై అధికారులు కీలక నిర్ణయం తీసుకున్నారు. నగరవ్యాప్తంగా రాకెట్లు, ఆకాశంలోకి ఎగిరే బాణసంచా వినియోగంపై తాత్కాలిక నిషేధం విధించారు. ఈ ఉత్తర్వులు తక్షణమే అమల్లోకి వచ్చాయి.
బృహన్ ముంబై మున్సిపల్ కార్పొరేషన్ () గణాంకాల ప్రకారం, నగరంలో మొత్తం 142 అగ్నిప్రమాదాలు నమోదయ్యాయి. వీటిలో 137 ఘటనలకు బాణసంచా కారణమని అధికారులు గుర్తించారు. ఈ ఘటనల్లో ఇద్దరు మహిళలు గాయపడ్డారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
నిషేధం పరిధి
ముంబై డిజాస్టర్ మేనేజ్మెంట్ అథారిటీ జారీ చేసిన ఉత్తర్వుల ప్రకారం ఈ నిషేధం కేవలం బహిరంగ ప్రదేశాలకే పరిమితం కాదు. నివాస భవనాలు, టెర్రస్లు, బాల్కనీలు, పార్కింగ్ ప్రాంతాలు, మురికివాడలు సహా ప్రభుత్వ, ప్రైవేటు ప్రదేశాలన్నింటికీ ఇది వర్తిస్తుంది. రాకెట్లు, ఇతర ఏరియల్ బాణసంచా ఇళ్లపై పడటం వల్ల మంటలు వ్యాపించే ప్రమాదం ఉందని అధికారులు హెచ్చరించారు.
