యెమెన్లోని హౌదైదా, సనా నగరాల్లో ఈ 19 మంది భారతీయ నావికులు చిక్కుకుపోయారు. దాదాపు రెండు వారాల పాటు అక్కడే ఉండాల్సి వచ్చింది. వారి భద్రతపై ఆందోళనలు వ్యక్తమవుతున్న నేపథ్యంలో భారత రాయబార కార్యాలయం సంబంధిత వర్గాలతో సంప్రదింపులు జరిపి తరలింపు చర్యలు చేపట్టింది.
అందరూ క్షేమం.. భారత్కు తిరుగు ప్రయాణం
తరలించిన 19 మంది నావికుల ఆరోగ్యం బాగుందని, అందరూ సురక్షితంగా ఉన్నారని రాయబార కార్యాలయం వెల్లడించింది. ఈ ఆపరేషన్కు సహకరించిన ప్రతి ఒక్కరికీ కృతజ్ఞతలు తెలిపింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఎర్ర సముద్రంలో పెరుగుతున్న ఉద్రిక్తతలు
యెమెన్లో హౌతీ తిరుగుబాటుదారులు, సౌదీ అరేబియా మధ్య పెరుగుతున్న ఉద్రిక్తతలు సముద్ర రవాణాపై ప్రభావం చూపుతున్నాయి. ఎర్ర సముద్రం, బాబ్ అల్ మందెబ్ జలసంధి అంతర్జాతీయ వాణిజ్యానికి అత్యంత కీలకమైన మార్గాలు కావడంతో అక్కడి భద్రతపై ప్రపంచ దేశాలు ఆందోళన వ్యక్తం చేస్తున్నాయి.
