కడప హ్యుండాయ్ షోరూంలో భారీ స్కాం: రూ.13.30 కోట్లు మళ్లించిన ముగ్గురు ఉద్యోగుల అరెస్ట్

అరెస్టయిన వారి వివరాలు

అరెస్టయిన వారిలో ఆడిటర్ రాంబాబు, అకౌంటెంట్ రాజేశ్, క్యాషియర్ మహమ్మద్ ఇస్మాయిల్ ఉన్నారు.

కస్టమర్ల నుంచి వాహనాల కొనుగోలు, సర్వీసుల పేరుతో వసూలైన నగదును కంపెనీ ఖాతాలో జమ చేయకుండా, దొంగ లెక్కలు చూపి తమ సొంత ఖాతాలకు మళ్లించినట్లు దర్యాప్తులో తేలిందని పోలీసులు వెల్లడించారు.

పోలీసుల దర్యాప్తు

షోరూం యాజమాన్యం ఫిర్యాదు మేరకు కేసు నమోదు చేసిన పోలీసులు, బ్యాంకు స్టేట్మెంట్లు, అకౌంట్స్ పుస్తకాలను పరిశీలించి పక్కా ఆధారాలు సేకరించినట్లు తెలిపారు. విచారణలో నిందితులు నేరం అంగీకరించినట్లు తెలిపారు. అనంతరం ముగ్గురిని సాక్ష్యాధారాలతో కోర్టులో హాజరుపరిచి రిమాండ్కు తరలించినట్లు చిన్నచౌక్ సీఐ తెలిపారు.