వద్ద ఘోర రోడ్డు ప్రమాదం: డ్రైవర్ మృతి, నలుగురికి గాయాలు

ఈ ఘటనలో కారు డ్రైవర్ తౌఫిక్ అక్కడికక్కడే మృతిచెందారు. కారులో ప్రయాణిస్తున్న అబు, జగుల్, దవలత్, అనిఫా తీవ్ర గాయాలతో బయటపడ్డారు. స్థానికులు వెంటనే 108కు సమాచారం అందించడంతో, క్షతగాత్రులను పలమనేరు ఏరియా ఆసుపత్రికి తరలించి చికిత్స అందిస్తున్నారు.

మృతుడు తౌఫిక్ సేలం ప్రాంతానికి చెందిన వ్యక్తిగా గుర్తించారు. మతపరమైన కార్యక్రమం కోసం చిత్తూరు వెళ్తుండగా ఈ ప్రమాదం జరిగినట్లు పోలీసులు తెలిపారు. అతివేగం, నిద్రమత్తు కారణంగా ప్రమాదం జరిగి ఉండవచ్చని పోలీసులు ప్రాథమికంగా భావిస్తున్నారు.

సమాచారం అందుకున్న పోలీసులు వెంటనే ఘటనా స్థలానికి చేరుకుని పరిశీలించారు. క్రేన్ సహాయంతో కాలువలో పడిన కారును బయటకు తీయించారు. మృతదేహాన్ని పోస్టుమార్టం నిమిత్తం పలమనేరు ప్రభుత్వ ఆసుపత్రికి తరలించారు. ఈ ఘటనపై కేసు నమోదు చేసి దర్యాప్తు చేస్తున్నారు.

హైవేపై వరుస ప్రమాదాలు జరుగుతున్న నేపథ్యంలో, వాహనదారులు అప్రమత్తంగా ఉండాలని పోలీసులు సూచించారు.