పోలీసుల భారీ రూట్ మార్చ్.. నిర్భయంగా ఓటు వేయాలని సూచన

లక్కిరెడ్డిపల్లె సీఐ కృష్ణంరాజు నాయక్, ఎస్సైలు నరసింహారెడ్డి, శోభల ఆధ్వర్యంలో జరిగిన ఈ మార్చ్లో భాగంగా సమస్యాత్మక గ్రామమైన గాండ్లపల్లిలో ప్రత్యేక గ్రామసభ ఏర్పాటు చేశారు.

ఈ సందర్భంగా పోలీసులు గ్రామస్తులతో మాట్లాడుతూ, శాంతిభద్రతలకు విఘాతం కలిగిస్తే కఠిన చర్యలు తప్పవని హెచ్చరించారు.

ఎన్నికల్లో ఓటర్లను డబ్బు, మద్యంతో ప్రలోభపెట్టడం నేరమని స్పష్టం చేశారు. ఓటర్లు నిర్భయంగా ఓటు వేయాలని కోరారు.

ఎన్నికలను ప్రశాంత వాతావరణంలో నిర్వహించేందుకు పోలీసు శాఖ అన్ని ఏర్పాట్లు చేస్తోందని తెలిపారు. గ్రామాల్లో ఎలాంటి గొడవలు, వివాదాలు జరిగినా వెంటనే పోలీసులకు సమాచారం ఇవ్వాలని విజ్ఞప్తి చేశారు.