ఇందిరమ్మ ఇళ్లలో దీపావళి వేడుకలు: లబ్ధిదారులతో కలిసి పండుగ జరుపుకోవాలని మంత్రి పొంగులేటి పిలుపు

ముఖ్యమంత్రి రేవంత్ రెడ్డి నాయకత్వంలో ఆర్థిక అవరోధాలున్నా పేదల ఆత్మగౌరవానికి చిహ్నమైన ఇందిరమ్మ ఇళ్లను నిర్మించేందుకు ప్రభుత్వం నిర్ణయించిందని మంత్రి తెలిపారు. తొలివిడత 4.50 లక్షల ఇళ్లు మంజూరు చేయగా, ఇప్పటికి 2,21,500 ఇళ్లలో గృహ ప్రవేశాలు పూర్తయ్యాయని, మరో 1.90 లక్షల ఇళ్లు వివిధ నిర్మాణ దశల్లో ఉన్నాయని వెల్లడించారు.

గృహ ప్రవేశాలు జరుపుకున్న ఇళ్లకు దీపావళి రోజున ప్రజాప్రతినిధులు, కలెక్టర్లు, గృహ నిర్మాణ శాఖ అధికారులు, కమిటీ సభ్యులు వెళ్లి ఆనందాల్లో భాగస్వాములు కావాలని కోరారు. దీనికి సూచికగా మా ఇందిరమ్మ ఇంట్లో దీపావళి వేడుకలు అనే పోస్టర్ను మంత్రి శ్రీధర్ బాబుతో కలిసి ఆవిష్కరించారు. ముఖ్యమంత్రి, రాష్ట్ర మంత్రివర్గం ఈ కార్యక్రమాన్ని దిగ్విజయంగా నిర్వహించాలని కోరుతోందని తెలిపారు.

తొలి విడతగా 4.50 లక్షల ఇళ్లు, రెండో విడత 2.50 లక్షల ఇళ్లతో పాటు హైదరాబాద్ క్యూర్ ఏరియా పరిధిలో లక్ష ఇళ్లను మంజూరు చేశామని మంత్రి తెలిపారు. హైదరాబాద్ తరహాలోనే నిజామాబాద్, కరీంనగర్, వరంగల్, నల్గొండ కార్పొరేషన్లలో కూడా ఇందిరమ్మ టవర్స్ నిర్మాణం చేపడతామని ప్రకటించారు. జి5 పద్ధతిలో నిర్మించనున్న ఈ టవర్స్ నిర్మాణానికి సంబంధించి దీపావళి లోగా నోటిఫికేషన్ జారీ చేస్తామని, వచ్చే ఏడాది బోనాలు ఎత్తిస్తామని పునరుద్ఘాటించారు.

రూ.40 వేల కోట్లతో చేపడుతున్న ఇందిరమ్మ ఇళ్ల నిర్మాణాన్ని ఆపేదిలేదని స్పష్టం చేసిన మంత్రి, లబ్ధిదారుల బ్యాంకు ఖాతాలకు ప్రతి సోమవారం నేరుగా హైదరాబాద్ నుంచి అవినీతి రహితంగా నిధులను జమచేస్తున్నామని వివరించారు. నగరాలు, పట్టణాలు, గ్రామాలేగాక మారుమూల ప్రాంతాలు, తండాలలో కూడా ఇళ్ల నిర్మాణం జరుగుతోందని, ఫలితంగా పేదవారి సొంత ఇంటికల సాకారమవుతోందని అన్నారు.

రాష్ట్ర ప్రభుత్వం ప్రతిష్టాత్మకంగా నిర్మిస్తున్న ఇందిరమ్మ ఇళ్ల పథకంలో 2,21,500 గృహప్రవేశాలు పూర్తయ్యాయి. ఈ దీపావళికి లబ్ధిదారులతో కలిసి ప్రతి ఇంట్లో వేడుకలు జరుపుకోవాలని రాష్ట్ర రెవెన్యూ, హౌసింగ్ శాఖ మంత్రి పొంగులేటి శ్రీనివాసరెడ్డి పిలుపునిచ్చారు. హైదరాబాద్ తరహాలోనే నిజామాబాద్, కరీంనగర్, వరంగల్, నల్గొండ కార్పొరేషన్లలో ఇందిరమ్మ టవర్స్ నిర్మాణం చేపడతామని ప్రకటించారు.

ఇందిరమ్మ టవర్స్ నిర్మాణం ఎక్కడ చేపట్టనున్నారు?

హైదరాబాద్ తరహాలోనే నిజామాబాద్, కరీంనగర్, వరంగల్, నల్గొండ కార్పొరేషన్లలో ఇందిరమ్మ టవర్స్ నిర్మాణం చేపట్టనున్నారు.