జమ్మూ కశ్మీర్కు పూర్తిస్థాయి రాష్ట్ర హోదా పునరుద్ధరణ అంశంపై అసెంబ్లీలో రాజకీయ వేడి రాజుకుంది. ముఖ్యమంత్రి ఒమర్ అబ్దుల్లా ప్రవేశపెట్టిన తీర్మానంపై చర్చ సందర్భంగా అధికార, ప్రతిపక్ష సభ్యులు పలు సవరణలను ప్రతిపాదించారు. ఆర్టికల్ 370, 35ఏ, అధిక స్వయంప్రతిపత్తి వంటి అంశాలను తీర్మానంలో చేర్చాలని డిమాండ్లు వినిపించాయి.
ముఖ్యమంత్రి ఒమర్ అబ్దుల్లా ప్రవేశపెట్టిన రాష్ట్ర హోదా తీర్మానంపై సోమవారం చర్చ జరగనుండగా.. అధికార నేషనల్ కాన్ఫరెన్స్, పీడీపీ, కాంగ్రెస్, స్వతంత్ర ఎమ్మెల్యేలు పలు సవరణలను ప్రతిపాదించారు. ఈ సవరణల్లో ఆర్టికల్ 370, ఆర్టికల్ 35ఏ, అధిక స్వయంప్రతిపత్తి వంటి అంశాలను తీర్మానంలో చేర్చాలని కోరారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
నేషనల్ కాన్ఫరెన్స్కు చెందిన పలువురు ఎమ్మెల్యేలు 2015కు ముందు ఉన్న రాజ్యాంగపరమైన హామీలను పునరుద్ధరించాలని కోరుతూ సవరణలు సమర్పించారు. పీడీపీ ఎమ్మెల్యే వహీద్ రెహ్మాన్ పార్రా కూడా ఆర్టికల్ 370, 35ఏలను వాటి అసలు రూపంలో పునరుద్ధరించడంతో పాటు స్వయంప్రతిపత్తిని పునరుద్ధరించాలని కోరుతూ సవరణ ప్రతిపాదించారు.
