సంక్షేమ పథకాలు అర్హులైన లబ్ధిదారులకు చేరేలా అధికారులు సమన్వయంతో పనిచేయాలి: డీఆర్డీఓ జ్యోతి

ఈ సమావేశంలో ప్రభుత్వ ఫ్లాగ్షిప్ కార్యక్రమాలు, సంక్షేమ పథకాల అమలు, గ్రామీణాభివృద్ధి, ఆరోగ్యం, విద్య, నైపుణ్యాభివృద్ధి, మహిళా సాధికారత తదితర అంశాలపై మండల సమాఖ్య అధ్యక్షులకు సమగ్ర అవగాహన కల్పించారు. ఈ సందర్భంగా జిల్లా గ్రామీణాభివృద్ధి అధికారి (డీఆర్డీఓ) జ్యోతి మాట్లాడుతూ గ్రామీణ ప్రాంతాల్లో అభివృద్ధి కార్యక్రమాలను వేగవంతం చేయడంలో సమాఖ్యల పాత్ర కీలకమని ఆమె పేర్కొన్నారు.

సమావేశంలో జిల్లా పరిషత్ ముఖ్య కార్యనిర్వహణ అధికారి (సీఈఓ) జానకి రెడ్డి, అదనపు డీఆర్డీఓడీఆర్డీఏ అధికారులు, జిల్లా వైద్య, ఆరోగ్య శాఖ అధికారులు, వయోజన విద్య ఉప సంచాలకులు, టాస్ () జిల్లా కోఆర్డినేటర్, ఎస్బీఐ ఆర్సెటీఐ మేనేజర్, అసిస్టెంట్ బీసీ వెల్ఫేర్ అధికారి, ఏడిఎన్ఏసీ, డీసీసీబీ జనరల్ మేనేజర్, ఎస్పీఎంఎస్ఈఆర్పీ తదితర శాఖల అధికారులు తమ శాఖల పరిధిలో అమలు చేస్తున్న కార్యక్రమాలను వివరించారు.

అనంతరం జిల్లాలోని 23మంది మండల సమాఖ్య అధ్యక్షులు అడిగిన పలు సందేహాలకు అధికారులు సమాధానాలు ఇచ్చారు. ప్రభుత్వ పథకాలపై గ్రామీణ ప్రజలకు పూర్తి అవగాహన కల్పించి, సంక్షేమ కార్యక్రమాలను సమర్థవంతంగా అమలు చేయడంలో పరస్పర సమన్వయంతో పనిచేయాలని అధికారులు సూచించారు.

ఈ సమావేశంలో జిల్లా వ్యాప్తంగా 23మంది మండల సమాఖ్య అధ్యక్షులు, డీపీఎంలు పాల్గొన్నారు.