భారతదేశ ఖ్యాతిని ప్రపంచానికి చాటిన మహా శాస్త్రవేత్త, నోబెల్ బహుమతి గ్రహీత సర్ చంద్రశేఖర వెంకట రామన్ (సీవీ రామన్) 138వ జయంతి సందర్భంగా ఆయన నోబెల్ బహుమతి అందుకున్నప్పటి అరుదైన చారిత్రక వీడియో మరోసారి అందరి దృష్టిని ఆకర్షిస్తోంది. 1930లో స్వీడన్లోని స్టాక్హోమ్లో ఆయన నోబెల్ అందుకున్న దృశ్యాలను నోబెల్ ప్రైజ్ సంస్థ పంచుకుంది.
ఈ నలుపు-తెలుపు వీడియోలో రామన్ స్టాక్హోమ్కు చేరుకున్నప్పటి దృశ్యాలు కనిపిస్తున్నాయి. 1930లో జరిగిన నోబెల్ పురస్కార ప్రదానోత్సవానికి ముందు ఆయన స్వీడన్కు వెళ్లిన సందర్భాన్ని ఈ వీడియో గుర్తుచేస్తోంది. ఈ ఫుటేజీ కొత్తది కానప్పటికీ, రామన్ జయంతి సందర్భంగా మరోసారి వైరల్ కావడంతో నెటిజన్లు ఆయన సేవలను గుర్తుచేసుకుంటున్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రామన్ ఎఫెక్ట్ ఆవిష్కరణ
1888లో తమిళనాడులోని తిరుచిరాపల్లిలో జన్మించిన సీవీ రామన్, కాంతి ఒక పారదర్శక పదార్థం గుండా ప్రయాణించినప్పుడు దానిలోని కొంత భాగం వేరే తరంగదైర్ఘ్యంతో వెదజల్లబడుతుందని కనుగొన్నారు. ఈ శాస్త్రీయ ఆవిష్కరణనే ప్రపంచం రామన్ ఎఫెక్ట్గా గుర్తించింది. 1928లో ఈ ఆవిష్కరణను ప్రకటించారు.
