సముద్రాల్లో పెరుగుతున్న ఉష్ణోగ్రతలు, సముద్ర ఉష్ణ తరంగాలు, చేపల వలసలు, పగడపు దిబ్బల విధ్వంసం వంటి పరిణామాలు సముద్ర జీవావరణ వ్యవస్థకు తీవ్ర ముప్పుగా మారుతున్నాయి. వీటి ప్రభావం మత్స్య సంపదతో పాటు తీర ప్రాంత ప్రజల జీవనోపాధిపైనా పడుతోంది. ఈ నేపథ్యంలో సముద్రాలను నిరంతరం పర్యవేక్షించేందుకు సమగ్ర వ్యవస్థను ఏర్పాటు చేయాలని అంతర్జాతీయ సముద్ర శాస్త్రవేత్తలు సూచిస్తున్నారు.
కేరళలోని కొచ్చిలో నిర్వహించిన అంతర్జాతీయ ట్రెవర్ సఫారీ ( ) సదస్సులో శాస్త్రవేత్తలు ఈ అభిప్రాయాలను వ్యక్తం చేశారు. మూడు రోజుల పాటు జరిగే ఈ సదస్సును ఐసీఏఆర్ పరిధిలోని కేంద్ర సముద్ర మత్స్య పరిశోధనా సంస్థ (సీఎంఎఫ్ఆర్ఐ) నిర్వహిస్తోంది. 30 దేశాలకు చెందిన 300 మందికి పైగా మత్స్య పరిశోధకులు, వాతావరణ నిపుణులు, సముద్ర శాస్త్రవేత్తలు ఈ సదస్సుకు హాజరయ్యారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
సాంకేతిక పరిజ్ఞానాన్ని సమన్వయం చేయాలి
సముద్ర పరిస్థితులను కచ్చితంగా అంచనా వేయడానికి ఉపగ్రహ చిత్రాలు, సముద్ర పరిశీలనా కేంద్రాల సమాచారం, వాతావరణ నమూనాలు, కృత్రిమ మేధస్సు, సముద్రంలో ప్రత్యక్షంగా సేకరించే సమాచారాన్ని సమన్వయం చేయాలని నిపుణులు సూచించారు. వీటిని సమన్వయం చేసి విశ్లేషించడం ద్వారా సముద్ర ఉష్ణ తరంగాలు, హానికరమైన ఆల్గే వ్యాప్తి, చేపలు అధికంగా లభించే ప్రాంతాలను ముందుగానే గుర్తించవచ్చని తెలిపారు.
