టీమిండియా సీనియర్ ఫాస్ట్ బౌలర్ భువనేశ్వర్ కుమార్ అంతర్జాతీయ క్రికెట్ కెరీర్పై మాజీ స్పిన్నర్ రవిచంద్రన్ అశ్విన్ కీలక వ్యాఖ్యలు చేశారు. న్యూజిలాండ్తో జరిగిన టీ20 సిరీస్లో భువనేశ్వర్ ఆశించిన స్థాయిలో రాణించలేకపోవడంతో భారత జట్టులోకి ఆయన తిరిగి రావడం కష్టమేనని అభిప్రాయపడ్డారు. ఇదే సమయంలో మరో సీనియర్ పేసర్ మహమ్మద్ షమీకి మళ్లీ జాతీయ జట్టులో అవకాశం కల్పించాలని సూచించారు.
భువనేశ్వర్ కుమార్ దాదాపు నాలుగేళ్ల విరామం తర్వాత భారత టీ20 జట్టులోకి పునరాగమనం చేశారు. ఐపీఎల్ 2026లో రాయల్ ఛాలెంజర్స్ బెంగళూరు తరఫున అద్భుతంగా బౌలింగ్ చేసి, 16 మ్యాచ్ల్లో 28 వికెట్లు పడగొట్టారు. ఈ ప్రదర్శనతోనే న్యూజిలాండ్తో టీ20 సిరీస్కు ఎంపికయ్యారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అయితే అంతర్జాతీయ స్థాయిలో మాత్రం ఐపీఎల్ ఫామ్ను కొనసాగించలేకపోయారు. న్యూజిలాండ్తో జరిగిన ఐదు మ్యాచ్ల టీ20 సిరీస్లో నాలుగు మ్యాచ్లు ఆడిన భువనేశ్వర్ కేవలం ఒక్క వికెట్ మాత్రమే తీశారు. 11.50 ఎకానమీతో పరుగులు సమర్పించుకున్నారు.
