కామారెడ్డిలో ట్రాఫిక్ నిబంధనలపై తదితరులు కార్యక్రమం: ఆటోలకు పోస్టర్లు అతికించిన పోలీసులు

ఈ సందర్భంగా ట్రాఫిక్ ఎస్ఐ చంద్రశేఖర్ గౌడ్ మాట్లాడుతూ, వాహనదారులు తప్పనిసరిగా ట్రాఫిక్ నిబంధనలను పాటించాలని సూచించారు. ద్విచక్ర వాహనదారులు హెల్మెట్, నాలుగు చక్రాల వాహనదారులు సీట్బెల్ట్ ధరించాలని, మద్యం సేవించి వాహనం నడపకూడదని, సెల్ఫోన్ మాట్లాడుతూ డ్రైవింగ్ చేయరాదని ఆయన సూచించారు. అలాగే అతివేగం, రాంగ్ రూట్ డ్రైవింగ్, ట్రిపుల్ రైడింగ్ వంటి నిబంధనల ఉల్లంఘనలు ప్రమాదాలకు దారితీస్తాయని తెలిపారు.

ప్రజలకు సేవలందించే క్రమంలో ఆటో డ్రైవర్లు ట్రాఫిక్ నియమాలను పాటిస్తూ ఇతరులకు ఆదర్శంగా నిలవాలని ఆయన కోరారు. రోడ్డు భద్రత ప్రతి ఒక్కరి బాధ్యత అని, ట్రాఫిక్ నిబంధనలను పాటించడం ద్వారా ప్రమాదాలను గణనీయంగా తగ్గించవచ్చని ఆయన పేర్కొన్నారు.

ఈ కార్యక్రమంలో ట్రాఫిక్ పోలీసు సిబ్బంది, ఆటో డ్రైవర్లు, ఐబి న్యూస్ రిపోర్టర్ రాజు, రాజ్ కుమార్, సాయిబాబా, శ్రీనివాస్ ట్రాఫిక్ సిబ్బంది ఆటో డ్రైవర్స్ తదితరులు పాల్గొన్నారు. రోడ్డు భద్రతపై అవగాహన కార్యక్రమాలు నిరంతరం నిర్వహిస్తున్నట్లు అధికారులు తెలిపారు.